کراچی واٹر اینڈ سیوریج کارپوریشن کی عدم کارکردگی کے باعث ایک بار پھر کراچی پانی کی قلت کا شکار ہے۔ بارش کے باوجود شہریوں کے گھروں میں پانی نہیں ہے۔
شہر میں مسلسل بحران پیدا کرنے والے کراچی واٹر اینڈ سیوریج کارپوریشن پر عوام شدید برہم ہے، لوگوں کا کہنا ہے کہ سندھ حکومت کے گزشتہ 18 سالوں میں متعدد بار بلوں میں اضافے کے باوجود عوام پانی کے ٹینکر خریدنے اور کنویں کے بوروں میں گزارہ کرنے پر مجبور ہیں۔
کہا جا رہا ہے کہ بجلی کی کچھ خرابی کی وجہ سے پچھلے دو روز سے پانی کی سپلائی نہیں ہو رہی جو کہ انتہائی افسوسناک ہے بحرانوں سے بچنے کے لیے اسے ترجیحی بنیادوں پر حل کیا جانا چاہیے تھا، کراچی میں سیلاب جیسی صورتحال نہیں ہے تاہم محکمہ تاحال فالٹ کو ٹھیک کرنے میں ناکام ہے۔
دوسری جانب کے الیکٹرک نے معمول کی بارش کے بعد علاقے میں کہرام مچا دیا، سخی حسن پمپنگ اسٹیشن فیڈر میں روزانہ کی بنیاد پر فیڈر ٹرپ کر رہاہے۔
متاثرہ علاقوں کے مکینوں نے سندھ حکومت اور مقامی حکومت سے مطالبہ کیا ہے کہ اس غفلت کے ذمہ داروں کے خلاف فوری کارروائی کی جائے اور سپلائی بحال کی جائے۔
د