کراچی واٹر اینڈ سیورج کارپوریشن کے ترجمان کے مطابق، بجلی کی بندش سے K-2 پمپ ہاؤس متاثر ہوا، جہاں مینی فولڈ چیمبر اور مین والوز میں خرابی پیدا ہوگئی۔
انہوں نے کہا کہ متاثرہ والوز سے جمع پانی کو نکالنے کے لیے پوری رفتار سے کام کیا جا رہا ہے جس کے بعد فوری طور پر مرمت کا کام شروع کر دیا جائے گا۔
انہوں نے مزید کہا کہ واٹر یوٹیلیٹی نے تکنیکی ٹیموں کو ہنگامی مرمت کرنے کی ہدایت کی ہے۔ “انجینئر اور دیکھ بھال کا عملہ جگہ پر موجود ہے تاکہ جلد از جلد خرابی کی نشاندہی اور اسے ٹھیک کیا جا سکے”، اہلکار نے کہا۔
ترجمان نے کہا کہ خرابی کے نتیجے میں K-2 پمپنگ اسٹیشن کے تین بڑے پمپ عارضی طور پر بند کردیئے گئے تھے۔ انہوں نے مزید کہا کہ اس خلل سے کراچی کی یومیہ پانی کی فراہمی میں تقریباً 100 ملین گیلن کی کمی متوقع ہے۔
واضح رہے کہ عام حالات میں شہر کو تقریباً 650 ایم جی ڈی حاصل ہوتا ہے۔
کراچی واٹر اینڈ سیورج کارپوریشن کے ترجمان نے متنبہ کیا کہ عارضی کمی سے نارتھ ناظم آباد، فیڈرل بی ایریا، بفر زون، گلشن اقبال بلاک 13-D، گلستان جوہر اور اسکیم 33 کے کچھ حصے سمیت متعدد علاقے متاثر ہوسکتے ہیں۔
انہوں نے مزید کہا کہ “جب تک مرمت مکمل نہیں ہو جاتی ان علاقوں میں پانی کی فراہمی معطل رہ سکتی ہے۔